«Հոկտեմբերիկ». հեծանիվներով և ինքնագլորներով բացօթյա մարզական ստուգատես

Օրը՝ 06.10.2022
Սկիզբը՝ 11:00
Մասնակիցները՝ Քոլեջի 5 տարեկաններ
Վայրը՝ Քոլեջի հարակից մարզադաշտ
Պատասխանատուներ` Անահիտ Գրիգորյան, Իրինա Սարգսյան
Նպատակը՝ հեծանվով, ինքնագլորով մարզական ստուգատեսի անցկացում ու սաների մարզական կարողությունների դիտարկում:
Խնդիրները՝

• Հեծանիվ, ինքնագլոր վարելու կարողության դիտարկում, գրանցում.
• Մարզական գործունեությանը նախապատրաստվելու կարողության զարգացում /համապատասխան մարզահագուստ, մարզակոշիկներ, պաշտպանիչ գլխարկ/
• Անվտանգության, հիգիենայի կանոնների պահպանում.

Ընթացքը.
Ստուգատեսը կիրականացնենք Քոլեջի հարակից մարզադաշտում։ 5 տարեկանները կհագնեն իրենց գունավոր շապիկները, մարզակոշիկները, կվերցնեն ինքնագլորները, հեծանիվները և վարելով կգնան դեպի մարզադաշտ։ Ստուգատեսը կսկսենք նախավարժանքով, այնուհետև սովորողները կցուցադրեն հեծանիվ և ինքնագլոր վարելու իրենց հմտությունները՝ կանգնակների շրջանցումով։ Խաղերը կիրականացնենք փոխանցումներով։ Կբաժանվենք 2 խմբի։ Յուրաքանչյուր խմբի դիմաց դրված կլինեն կանգնակներ, խմբերի առաջին մասնակիցները հեծանիվներով կշրջանցեն կանգնակները, կվերադառնան` մեկնարկը տալով հաջորդ մասնակիցներին։ Խաղ֊մրցույթը կշարունակվի մինչև վերջին մասնակիցը։
Արդյունքները կամփոփվեն դասարանական բլոգում: